lunes, 26 de octubre de 2009

¿Aún no te has apuntado a los cursos de aragonés (presenciales u online)?


Cursos presenciales:
1º - Lunes y miercoles (o miércoles) de 20h30 a 22h; Viernes de 19h a 22h.
2º - Sábado de 10h30 a 13h30.


Cursos a distancia de 1º y de 2º (con 15 días de prueba sin compromiso).


Información y preinscripción en . Las clases comienzan la primera semana de noviembre. Plazo de inscripción hasta el 15 de noviembre. Coste: 75€ (materiales y suscripción anual a revista O Espiello incluidos).


CONOIX A TUYA LUENGA, CURSOS D'ARAGONÉS, APUNTA-TE-IE!

viernes, 17 de abril de 2009

Conzentrazión Plataforma en esfensa d´as montañas




PROGRAMA

9.45: gambada a piet, esquis de trabesía y raquetas de nieu dica l´ibón d´a Espelunziecha (1.950 m.).
Salida dende a esplanada d´o Portalet (1.794 m.).

13.30: conzentrazión de montañers, esfensors y amigos d´as montañas en a esplanada d´o Portalet.
Lectura d´o 2º manifiesto d´a Plataforma en Esfensa d´as Montañas de Aragón.

14.30: Chenta

lunes, 6 de abril de 2009

Manifestación estatal contra os tranxenicos



Calendata/ora: Sabado 18 de abril - 11:30 h.
Puesto: Paraninfo Unibersidat Zaragoza (Plaza Paraíso)

Os tranxenicos son un esperimento a gran escala con una tecnolochía plena de efectos imprebistos y no deseyaus. Son una menaza a nuestra salut, tienen efectos ambientals negatibos, produzen contaminazión chenetica, agraban os problemas d´aczeso a la birolla, entre atros periglos.
Muitos paises os han biedau, pero españa contina fazilitando a suya espansión, metendo entre as tres pedretas a nuestra salud y o nuestro ambién, foborezendo los intreses d´un puñau de multinazionals.
Os consumidors, os agricultors tenemos o dreito y a responsabilidat de conoxer y dezidir cómo y dónde se produzen os nuestros alimentos y apostar por un modelo de agricultura sostenible y seguro.
En a semana d´o 13 a o 18 d´abril, muitas personas y organizazions reyalizarán iniziatibas y actos reibindicatibos contra la politica de transxenicos de l´actual Gobierno, saldran a la carrera ta exichir que se reconoxca o suyo dreito a una alimentazion y una agricultura libres de transxenicos. O 18 d´abril se reyalizará en Zaragoza una manifestazión estatal a la que se comboca a ixa gran mayoría sozial que refusa d´os tranxenicos.
¡han de sentir-nos!

Combocan: Plataforma Rural (Amigos de la Tierra, CAS, Confederación Española de Consumidores y Usuarios (CECU), Centro de Estudios Rurales y de Agricultura Internacional (CERAI), CIC BATA, CIFAES-Universidad Rural Paulo Freire, Coordinadora de Organizaciones de Agricultores y Ganaderos (COAG), C. Tierra de Campos, Ecologistas en Acción, Entrepueblos, Espacio Comercio Justo, Jovenes Rurales Cristianos, Red Africa Europa, SODEPAZ, Veterinarios Sin Fronteras, Movimiento Rural Cristiano, Mundubat, SEAE, SOC, Xarxa de Consum Solidari) y Greenpeace.

sábado, 4 de abril de 2009

As dos poblazions d´ onsos se buscan


Os zientificos troban o paso de cuatro exemplars entre ras dos collas de ro norte, isolatos dende fa 50 años

As dos poblazions d´onso pardo cantabrico que bi remanen son más amán entre sí de ro que se pensaba. Os zaguers dos años, os xenetistas de ro departamén de Biolochía Funzional de ra Unibersidat d´Obiedo han descubierto que, a ro menos cuatro exemplars s´iban mobito entre una y atra poblazión, seguntes fuens amáns a ra imbestigazión. Dimpués d´analizar fezes y pelos trobatos por o campo, o ADN ha rebelato que 3 masclos han pasato de ra poblazión oczidental (a más poblada, 75-100 exemplars) a ra oriental (25-30 animals) y uno fazio ro camín contrario.

En 2006, os zientificos dectectón por primera bez un “brinco” entre ras dos poblazions. A l´onso ro baltizón como L´Emigrán, porque pensón que yera un feto isolato. As barreras entre ras dos collas (más que más l´autopista AP-66, que parte ra cordillera, y en a que ro zaguer 28 d´octubre morió atropellada por un cambión una cría d´onso) parixeban masiato grans ta istar ebitadas. Entre ra poblazion asturiana y ra de Palenzia, b´ha un corredor de bels 50 kilometros salpicato d´infraestructuras.
D´atra man, un informe zientifico nimbiato en abiento a ro Prenzipau d´Asturias y a ra Junta de Castilla y León rebela que ros mobimiens son más frecuens de ro que no creyeban. O informe, mostra que bels exemplars han trobato un camin, pese a ras muitas barreras que deseparan os dos puestos. O Ministerio de Medio Ambiente y ra Fundazión Oso Pardo treballan en a recuperazion de ro corredor, considerato esenzial pa ebitar o isolamiento xenetico de ras poblazions, pa ro cual, imbertirán 1,5 millons d´euros. Os estudeos apuntan que ras dos collas, leban 10 chenerazions (u siga entre 50 y 75 años) separatos.
Os zentificos consideran que ro cruze entre ras dos poblazions ye alazetal pa ebitar a perdita de dibersidat chenetica. Por o inte, no ne b´ha de pruebas de que s´aigan cruzato ambas poblazions, pero ya no ye descartable. A poblazion d´onso cantabrico empezipio a crexer en os años nobanta. En os zaguers 10 años, o numero d´onsas con crietas zensadas s´ha duplicato.

En a Cordillera cantabrica ye asabelo complicato conoxer os mobimientos d´os onsos, ya q ye una de ras unicas poblazions sin exemplars marcatos ta seguir-los por satelite. Fa una decada os zentificos metion un marcador a un onso, con o que seguiban a toda ra suya familia. L´onso morió azidentalmén, pero bi abio tal rebolizio que no se tornó a capturar atro exemplar ta implantar-le un chip.
L´onso cantabrico ye l´unico autoctono biable d´a Peninsula Iberica; pues en os Pireneus, solo quedan que dos masclos autoctonos dende que ro 1 de nobiembre de 2004 un cazataire franzés abatió a Canelle, a resta d´exemplars introduzitos en dita cordillera son eslobenos.

domingo, 29 de marzo de 2009

Cambeo de color en a capa d´os lupos por l´aizion umana indreita.




A proliferazión de lupos de color fosca ye o resultau indreito d´a crianza umana de cans como mascotas y abríos, seguntes una nueba imbestigazión. Y a colorazión fosca tamién puet aduyar a la sobrebibenzia d´a espezie a mida que l´abitat d´os lupos se beyerá afectau por o cambeo climatico en l´esbenidero, seguntes suchieren os resultaus de l´estudeo.
Encara que ocurrió de traza aczidental, os lupos negros son o primer ixample de lupos cheneticamén modificaus por os umáns. Asinas o manifiesta o biologo Marco Musiani, d´a Unibersidat de Calgary, un experto en lupos que goza de prestichio internazional. O pelaxe de color fosco en os lupos ha contrimostrau estar un rasgo de baledura ta las suyas poblazions a mida que o suyo abitat artico se reduz.
Baléndo-se d´analisis cheneticos de poblazions de lupos grisos d´America d´o Norte y Europa, Musiani y os suyos colegas d´estudeo, d´instituzions d´esferentes nazions, rastreón a fuen d´o chen dominán responsable d´a capa fosca en os lupos, plegando dica os cans domesticos.

A suya conclusióm ye que o caracter estió transmitiu a las poblazions de lupo griso igual como a los coyotes, por meyo de l´apareamiento entre as espezies de cánidos salbaches y domesticas, estreitamén relazionadas. O trespaso d´o rasgo podió aber estau tan rezientemén como con a plegada de cans domesticos europeyos a Norteamerica, u fa tanto tiempo como 14.000 años, cuan os seres umans emigrón a America d´o Norte dende l´atro costau d´o Estreito de Bering.

Dende alabez, a capa negra s´ha “meso de moda” en as lobadas, talmén porque os terrenos abitables d´o norte plenos de nieu son reduzindo-se, y os tonos foscos permiten a os animals un millor camuflaxe mientras cazan en arias de sin nieu. En tanto que as colors grisas pueden tener colors que ban dende o blango dica lo negro, a colorazión más clara se troba predominantemén en a tundra artica. A relazión entre a colorazión d´o pleaxe y l´abitat ye, á sobén, atribuida a l´adaptazion y a la seleczión natural, pero iste ye o primer ixample d´una modificazión chenetica que surtió probablemén debiu a la seleczión umana.
Con pronosticos que siñalan que l´abitat d´a tundra se reduzirá en os años beniéns por a expansión enta o polo norte d´os bosques boreals, binculada a o calandamiento global d´o planeta, a colorazión negra puet aduyar a os lupos a adaptar-se a o suyo entorno cambián.